Расселл Кроу 1964 йилнинг 7 апрелида Янги Зеландиянинг Веллингтон шаҳрида дунёга келган. Унинг оиласи шоу-бизнес билан чамбарчас боғлиқ эди: бобоси Стэн Вемис иккинчи жаҳон уруши давридаги кино мукофоти совриндори бўлган, ота-онаси Алекс ва Жоселин эса кино ва телевидение оламида фаолият юритган. Расселлга тўрт ёш бўлганда оила Сиднейга кўчиб ўтади ва у болаликдан шоу-бизнес марказида ўсади. Унинг австралиялик телевидениедаги илк иши «Спайфорс» шоусида бўлган. Ўн тўрт ёшида у яна Янги Зеландияга қайтиб, мактабда ўқишни давом эттиради. Айнан ўша ерда Дин Хоукран билан танишиб, «Рим ўйинлари» номли рок-гуруҳига асос солади. Рок-юлдуз бўлиш орзуси амалга ошмагач, Кроу бошқа йўллар билан тирикчилик қилишга мажбур бўлади.
Ўн тўққиз ёшида унга «Рокки Хоррор шоуси»да рол таклиф қилишади. 1986 йилдан 1988 йилга қадар Расселл ушбу шоунинг тахминан 415 та томошасида иштирок этади. Шу билан бирга у официант ва Сиднейдаги Кингс Кросс кўчасида актёрлик қилиб ишлаган. Кейинчалик турли кастингларга қатнаша бошлайди. «Қўшнилар» сериалидаги ишидан сўнг у «Қуёш асирлари» (1990) фильмига таклиф қилинади. Аммо чиндан ҳам катта омад унга 25 ёшида, Жорж Огилви уни «Чорраҳа» фильмидаги бош ролга танлаганида келади. «Исбот» (1991) фильми учун Австралия кино институтининг энг яхши иккинчи пландаги актёр мукофотига сазовор бўлса-да, уни ҳақиқий машҳур қилган асар 1992 йилдаги «Скинс» фильми бўлди. Бу роль учун у Австралия кино институти ва Австралия кинотанқидчилар гильдиясининг энг яхши актёр мукофотларини қўлга киритади.
«Скинс»даги ўйинидан ҳайратда қолган Кертис Хэнсон уни 1997 йилги «Лос-Анжелес сирлари» оскарли фильмига асосий роллардан бирига таклиф қилади. Шундан сўнг Кроуга турли таклифлар ёғила бошлайди. У Рон Ховарднинг «Ақл ўйинлари» (2001) фильмидаги математик Жон Нэш роли ва «Ўз одами» (1999) фильмидаги роли учун икки марта «Оскар»га номзод бўлади. 2000 йилда эса тарихий «Гладиатор» фильмидаги саркарда Максимус роли учун «Оскар» мукофотини қўлга киритади. Бу унинг фаолиятидаги энг юксак чўққилардан бири бўлиб, дунёга машҳур юлдузга айлантирди.
Расселл Кроу регбининг катта мухлиси ҳисобланади. У Австралиянинг энг қадимий жамоаларидан бири бўлган «Саут Сидней Рэббитоуз» регбилиг клубининг ҳам эгасидир. 2010 йил 12 майда унинг иштирокида «Робин Гуд» фильми, 18 ноябрда эса «Қочиш учун уч кун» фильми экранларга чиқади. 2012 йил 5 декабрда «Бебахтлар» мюзиклининг экранлаштирилган версияси намойиш этилиб, унда Кроу француз полицияси инспектори Жавер ролини ижро этади. 2014 йил 10 мартда режиссёр Даррен Аронофски билан ҳамкорликдаги «Нуҳ» фильми ижарага чиқади. Ушбу фильмда у инсониятни тўфондан қутқариш учун кема қурувчи Нуҳ пайғамбар образини гавдалантиради. Кроу ўзининг кучли ва жозибали ижроси билан дунё кино санъатида ўзига хос из қолдирган актёрлардан бири бўлиб қолмоқда. Унинг фильмлари ҳозиргача кино узбек тилида ва tarjima kino сифатида томошабинларга севиб томоша қилинади.