Туғилиши ва оиласи
Туғилгандаги исми — Натали Хершлаг. 1981 йил 9 июнда Исроилнинг Қуддус шаҳрида шифокор ва актриса оиласида дунёга келган. Ота-онаси Натали туғилишидан бироз олдин Молдавия ССРнинг пойтахти Кишинёвдан Исроилга кўчиб ўтган. Онаси уй бекаси бўлган, ҳозир эса қизининг менежери. Онасининг аждодлари Россия ва Австриядан, отасининг аждодлари эса Польша, Руминия ва Исроилдан чиққан яҳудийлар.
Натали уч ёшида оиласи билан АҚШга — аввал Вашингтонга, сўнгра Нью-Йоркка кўчиб борди.
Кинога кириш
11 ёшида реклама агентлари уни сезиб қолди. «Леон» фильмининг кастингига қатнашиб, Матильда ролини қўлга киритди ва 1994 йилда биринчи марта экранда кўринди. Шов-шувли дебютдан сўнг Роберт Де Ниро ва Аль Пачино иштирокидаги «Тутиш» (1995), «Чиройли қизчалар» (1996) ва «Марс ҳужум қилади!» (1996) фильмлари бўлди.
Театр ва таълим
1998 йилда театр актрисаси сифатида муваффақиятли дебют қилди — «Анна Франкнинг кундалиги» Бродвей постановкасида Анна ролини ижро этди.
1999 йилда Гарвард университетининг психология факультетига ўқишга кирди.
Асосий роллар
1999 йилда «Юлдузли урушлар: Биринчи эпизод — Яширин таҳдид» фильмида суратга тушди. Шундан сўнг Сьюзан Сарандон билан «Ҳар қаерда, фақат бу ерда эмас» фильмида иштирок этди — бу роль учун «Олтин глобус»га номинант этилди.
«У ерда юрак бор» (2000) фильми учун YoungStar Awards мукофотини олди. «Яқинлик» (2004) фильмидаги роли эса уни «Оскар» номинациясига олиб чиқди.
Шахсий хусусиятлари
Натали Портман бутун ҳаётини актёрлик касбига бағишлашни мақсад қилмаганлигини айтган. Бешта тилни — инглиз, немис, француз, япон ва иврит тилларини мукаммал билади. 2011 йил 14 июнда биринчи ўғлини дунёга келтирди.